Amma Valdís í heimsókn

Amma Valdís kom í stutta heimsókn um daginn. Það var mjög gaman að fá hana þó að flestir hafi legið í flensu á meðan heimsókn hennar stóð yfir. Við sendum elsku ömmu okkar bestu jólakveðjur og vonumst til að sjá hana fljótt aftur.

Garðyrkju hornið

Í vikunni sem leið var ég að gróðursetja meðfram mÓtorveginum í Valby. Gróðursett var í gegnum plast Kvist og skriðmispill. Báðar þessar tegundir eru algengar á Íslandi. Enn götutréin í miðjunni eru líklegast Eikartré. Í lokin eru svo beðin hulin með kurli.

Vinnustaður Auðar

Fyrsti vinnustaður Auðar í Danmörk er Börnehuset sem er Leikskóli og vöggustofa við Gullfossgade á Íslandsbryggju. Þar eru þrjár vöggustofudeildir fyrir börn frá um tíu mán. til rétt tælega þriggja ára, svo eru tvær deildir fyrir leikskólabörnin. Þær heita röd stue og gul stue og vinn ég á þeirri síðarnefndu. Við erum samanlagt með 32 börn, miserfið auðvitað...en á danskann mælikvarða eru mín börn ótrúlega þæg og góð mundi ég segja !!




Hér er slóðin:
http://www.gullfossgade.dk/personale.asp

Hver getur verið án Ora bauna um jólin.

Ora grænar baunir á boðstólnum um jólin í Danmörku.

Vegna mikillar eftirspurnar frá Íslenskum námsmönnum í Kaupmannahöfn og þá sérstaklega á Íslandsbryggju, hef ég hafið sölu á Ora grænum baunum. Enginn sannur Íslendingur getur verið án þeirra um jólin og það sem er enn betra að fátækir námsmenn geta borðað þær eintómar.

Verð á stykki er aðeins 30 kr danskar og bætist við sendingar kosnaður.

Sannað er að náttúrulega græna litarefni í baununum getur bætt námsárangur til mikilla muna.

Jenný systir og Gummi mágur

Hér er mynd af Jenný systir í ljósmóður gallanum ásamt stall systur sinni. Jenný er þessi með dökka hárið. Hún útskrifaðist með glæsibrag í júní síðastliðin og við eigum eftir að gefa henni útskriftargjöf sem hún fær kannski þegar hún kemur í heimsókn. Gætum til dæmis boðið henni frítt í Tivoli. Við erum virkilega stollt af Jenný fyrir þennan glæsilega árangur, því að ég og mamma höfðum alltaf miklar áhyggjur af henni á táningsárunum.(var í slæmum félagskap og kom seint heim á kvöldin.) Það svo þegar hún kynntist drauma prinsinum frá Hrútafirði sem það tók að birta til. Og á hinni myndinni má svo sjá hinn Hrútfirska mág og svila Guðmund Pálmasson í alvarlegum hugleiðingum á msn.

Hver hefði trúað því að borgarbarnið hefði tekið sveitapilt upp á arminn þar sem hún hefur lengi þjáðst af landsbyggðar hræðslu. Þau eiga svo yndilega drengi saman og einn smá hund.

Nú líða fer að jólum og hátíð er í bæ.

Aðventukransinn er þá tilbúinn í öllu sínu veldi, ljós komin í glugga og senn líður að jólum. Við erum farin að hlakka til jóla og erum spennt að upplifa hérna dönsk jól. Gaman í Dk og góð stemning. Jólarokk jólarokk hátíðar rokk syngjum hér saman því barn er oss fætt , á jólablli skemmti ég mér það er svo svaka gaman hér...Nei án gríns þetta er yndislegur tími.

Amore, ást án landamæra.

Ástin er ótrúleg. Rétt eftir miðja síðustu öld, nánar tiltekið 1990 skrapp Solla núverandi mágkona mín og systir mín til Gautaborgar. Þar hitti hún fyrir frinnskan draumaprins og er fyrsta myndin af þeim í faðmlögum við það tækifæri. Takið eftir snjóþvegnu gallabuxunum og permanettinu sem margir eru búnir að gleyma hvernig leit út. Þau hittust svo ekki fyrr enn 15 árum seinna fyrir algera tilviljun og tókust þá ástir aftur með þeim. Þau höfðu ekki gleymt hvort öðru og hugsuðu oft til hvors annars. (þó útlitið væri nú örlítið breytt, engar snjóþvegnar buxur og aðeins færri hár og sveifluminni toppur. ) Fljótlega eftir þetta varð mágkona mín og systir barnshafandi eftir finnska prinsinn og nú fyrir nokkrum mánuðum fæddist þeim yndislegur sonur sem ber það fallega nafn Tómas Leonard Tanska. Þau hafa búið sér fallegt heimili í fallegri og bjartri íbúð með litlum sætum bakgarði í úthverfi Gautaborgar, einnig má þess geta að með þeim býr kötturinn Tarja sem að er að tegundinni ragdoll. (vonum að það sé rétt ritað hjá okkur. ) Hún er afskaplega falleg læða en jafnframt mjög vör um sig og að því leyti ólík syni okkar honum Steinríki. 'oskum við litlu fjölskyldunni farsældar á komandi árum og óskum þeim alls hins besta.