Bjartasta von Víkingslækjarættarinnar í heimsókn.

Frænka Arnars hún Elsa og hennar kærasti hann hjalti komu í heimsókn um síðustu helgi. Þau eiga ættir að rekja í Grafarvoginn. Núna eru þau flutt til Danmerkur og stunda nám hér í borginni. Elsa er orðin 20 ára og þar sem við vorum ekki búin að átta okkur á því hvað þau voru gömul þá þorðum við ekki að senda þau heim eftir matinn því klukkan var orðin átta og það var komið myrkur. Við höfum ekki séð Elsu almennilega í 10 ár og þá var hún væntalega bara 10 ára. Þetta var því ákveðið stökk að sjá hana með ungan dreng upp á arminn. Enn mikið svakalega eru þau sæt og dugleg.

Matarboðið

Við fórum á sunnudagskvöldið í matarboð hjá Arnari B,Helgu og Ástu Hlín, vinum okkar á Íslandsbryggju. Maturinn var dásamlegur og rann vel niður. Við pössuðum okkur svo á því að láta tvö eldri börnin sofna vel hjá þeim svo ekki væri hægt að vekja þau þegar við lögðum af stað heim á leið. Þau gistu því hjá þeim og voru alsæl með það.

Á myndinn er Ívar Franz að spjalla við vinkonu sína hana Ástu Hlín.

Ívar að ryksuga í Malmö

Hérna má sjá hann 'Ivar Franz yngsta son okkar fá fullkomna útrás fyrir eina af mikilvægustu þörfum sínum sínum, það er að ryksuga. Hann fékk glóðvolgt tækifæri til þess í leikfangaversluninni BR í Malmö, hann fékk tilboð í að koma þangað daglega seinniparta vikunnar ! Aðstoð hans hans var sem sagt meira en vel þegin.

Góður laugardagur í Malmö

Helgin var tekinn með trompi. Við byrjuðum á að fara í utanlandsferð til Svíþjóðar þar sem Malmö var skoðuð. Þetta er mjög skemmtileg og snyrtileg borg. Þema ferðarinnar var lord of the rings einsog sést á þessari mynd. Við gengum um götur miðborgarinnar með hjálma og sverð.

Minnsti flatskjár sem sögur fara af á Íslandsbryggju.

Ef vel er að gáð sést flatskjár á sjónvarps borðinu á þessari mynd. Þennan flatskjá sá ég á Íslandsbryggju um daginn hjá íslensku pari sem stundar háskóla nám hér í borginni. Skjárinn er af tegundinni Phony og er með innbyggðu kassettu tæki og video tæki. Það er ótrúlega gaman að sjá að námsmenn geta nú í fyrsta skipti keypt sér flatskjá og verið með í tækni byltingunni. Þó þeir þurfi að sitja nær tækinu enn þeir sem hafa meiri kaup getu.

Umferðin seinnipartinn við Ráðhústorgið.

Ég tók þessa mynd á leiðinni úr vinnunni einsog sést örugglega. Margir kannast við Ráðhústorgið.

Fjölskyldu göngutúr.

Fjölskyldu göngutúr.

Við fórum um helgina í langan göngu túr. Með í för var Ísafold vinkona okkar. Við tókum metro niður á Kóngsins nýja torg og gengum þar meðfram ný höfn og alla leið að litlu hafmeyjunni, þar sem þessi mynd var tekinn. Því næst gengum við um austurbrú og alla leið á metro stöðina á Forum í frederiksberg.