Starfsmaður mánaðarins.

Það eru fleiri enn fégráðugir íslendingar sem eru að gera það gott í útlöndum. Á nýja vinnustaðnum mínu hjá Kirkjugörðum Kaupmannahafnar- Sundby afdeling. Var ég valinn starfsmaður mánaðarins eftir aðeins tæpa tvo mánuði í starfi. Ég var einnig valinn bjartasta voninn og vinsælasti og fallegasti starfsmaðurinn. Verðlaunin voru afhent í dag við hátíðlega athöfn. Var þar Kenneth over tillitsmann og Mette anlægsgartner til fjölda ára sem afhentu mér að gjöf messuvín, trjáklippu sett og farandbikar sem ég má hafa í einn mánuð. Einnig fékk ég blómakrans með hvítum blómum. Þessi mynd var tekin við það tækifæri.

Katrín Valdís

Nú er Katrín komin í sumarskap enda hefur hitinn undanfarnar vikur verið á milli 18 og 28 stig. Núna er hún að vinna verkefni í skólanum, grafík þrykkmynd sem hún hefur nefnt " Jeg er den jeg er" og er með trúarlegu ívafi og er þrykkt á spegil og mun verða sýnd í kirkju í hér í borginni.

Læti heima á Íslandi

Þessa mynd sendi Haukur verðandi Húsasmíðameistari okkur þegar við báðum hann að senda okkur einhverjar myndir að heiman. Það er ekki laust við að mótmæli vörubílstjóra minni mann á mótmæli ungmenna hér í Danmörku fyrir nokkru.

Sveitaferð í Svíþjóð

Fyrir nokkrum vikum fórum við í heimsókn til sænsku ættingja okkar þeirra Stefáns, Karls Jóhanns og Ragnheiðar. Þau eru að gera upp gamlan bóndabæ sem liggur á milli Staffanstorp og Lundar. Þarna eru mörg útihús og íbúðarhúsið er að verða tilbúið og verður mjög glæsilegt.

Ívar að Baka.

Hér er Ívar að baka og vinirnir Oliver og Gauti að gæða sér á kökunni.

Hækkandi eldsneytis verð

Loksins er fjölskyldan búin að eignast fallegt ökutæki. Vegna hækkandi eldsneytis verðs þá var ákveðið að bíða með að kaupa bíl og þess í stað höfum við fjárfest í þessum fallega reið fák sem ber nafnið Nihola. Þetta er danskt handsmíðað hjól með 7. gírum og getur borið í körfunni allt að 100 kg. Við hjóluðum í gær um Amager og komum við í Christianiu sem muna má fífil sinn fegri enn við náðum þar fallegum myndum.

Matarboð hjá Láru

Við vorum svo heppin fyrir skömmu að vera boðin í matarboð til Láru nágrannakonu okkar. Maður dettur heldur betur í lukkupottinn að vera boðinn þangað, hún er snilldar kokkur konan. 'Islenskur humar í forrétt, ísl lambalæri í aðalrétt og hvorki meira né minna marengs kaka, kaffi og líkjör í eftirrétt. Sigga og Sibbu litlu sætu tvíbbarnir þær Gabríela og Jósefína voru líka boðin í veisluna. 'A fatasýningarmyndinni höldum við stelpurnar á fötum sem að kosta 95 þúsund íslenskar krónur, vá hljóta að vera ekstra vel saumuð úr hágæða þráðum. Takk fyrir okkur Lára okkar.