Sveitaferð í Svíþjóð

Fyrir nokkrum vikum fórum við í heimsókn til sænsku ættingja okkar þeirra Stefáns, Karls Jóhanns og Ragnheiðar. Þau eru að gera upp gamlan bóndabæ sem liggur á milli Staffanstorp og Lundar. Þarna eru mörg útihús og íbúðarhúsið er að verða tilbúið og verður mjög glæsilegt.

Ívar að Baka.

Hér er Ívar að baka og vinirnir Oliver og Gauti að gæða sér á kökunni.

Hækkandi eldsneytis verð

Loksins er fjölskyldan búin að eignast fallegt ökutæki. Vegna hækkandi eldsneytis verðs þá var ákveðið að bíða með að kaupa bíl og þess í stað höfum við fjárfest í þessum fallega reið fák sem ber nafnið Nihola. Þetta er danskt handsmíðað hjól með 7. gírum og getur borið í körfunni allt að 100 kg. Við hjóluðum í gær um Amager og komum við í Christianiu sem muna má fífil sinn fegri enn við náðum þar fallegum myndum.

Matarboð hjá Láru

Við vorum svo heppin fyrir skömmu að vera boðin í matarboð til Láru nágrannakonu okkar. Maður dettur heldur betur í lukkupottinn að vera boðinn þangað, hún er snilldar kokkur konan. 'Islenskur humar í forrétt, ísl lambalæri í aðalrétt og hvorki meira né minna marengs kaka, kaffi og líkjör í eftirrétt. Sigga og Sibbu litlu sætu tvíbbarnir þær Gabríela og Jósefína voru líka boðin í veisluna. 'A fatasýningarmyndinni höldum við stelpurnar á fötum sem að kosta 95 þúsund íslenskar krónur, vá hljóta að vera ekstra vel saumuð úr hágæða þráðum. Takk fyrir okkur Lára okkar.

Ættfræði hornið

Í fyrsta skipti opinberlega birtast hér fermingar myndirnar. Annars vegar af mér við teknics fermingar græjurnar sem mamma og pabbi gáfu mér, svo er mynd af okkur fermingar bræðrunum Tona frænda og mér í gráu fermingar fötunum. Njótið vel.

Ættfræði hornið

Þetta er fyrsta mynd af mörgum sem ég ætla mér að skanna inn og setja á bloggið. Myndin er tekin í byrjun árs 1974. Þarna heldur Amma Jenný á mér og við endann er engin annar en Jón Axel frændi sem gæðir sér á veitingum móður minnar. Sítt að aftan var í tísku á þessum tíma einsog sjá má.

Garðyrkjuhornið

Jæja þá er garðyrkju meistarinn búin að leggja fyrstu hellu lögnina í dk. Þetta var einsog í fegurðarsamkeppni, erfitt enn gaman. Ég vil þakka Davíð , Maríu og dætrum fyrir að bera í mig hellurnar. Verkið tók eina og hálfa viku.